स्वच्छ भारत अभियान

स्वच्छ भारत
अभियान ।
गांव गली अउ
खोर हे सुनसान।
मंत्री संत्री,
सबो करे बखान।
मोदी जी के
करे जम्मो
गुन गान।
गली खोर
अ-स्वच्छ् होंगे,
मंत्री संत्री,
मगरमच्छ होंगे।
कचरा होंगे
पूरा साफ,
नेता जी के
जम्मो गलती माफ़।
फोटो खिंचागे,
पैसा सिरागे,
कन्हिया पिरागे।
स्वच्छता,
आवय चाहे,
झन आवे,
मंत्री जी
बनेच मोटागे।
फोटो खिंचाइस,
टीवी में आईस,
पेपर में
तको छपवाईस,
फेर स्वच्छता,
कहा आईस।
डस्टबीन के,
कचरा ला
थोकन बने बगरा,
सूट बूट में,
झाड़ू धरके,
फोटो खिंचवा,
व्हाट्सएप्प,
फेसबुक
अउ ट्विटर
में बगरा,
मोदी जी के
नजर में आ।
गरीब रोवथे,
बइठ के सोचथे,
खाय बर
दाना नई हे,
स्वच्छता कोन डाहर
आवत हे।
बने दिन
ल सोरीयावत हे,
गरीब हाडा अस,
सुखावत हे,
अमीर भैसा अस,
मोटावथे।
रेडियो बड़,
नारियावत हे,
मोर बने दिन,
कोन डाहर ले,
आवत हे।
✒ अनपढ़
लोकनाथ सेन
मो 9977580623